Welkom by Laerskool Brits

Maak jou gordel vas en kom ervaar die vlug van ‘n LEEFTYD by Laerskool Brits.

Laerskool Brits gaan ‘n nuwe wêreld vir jou oopmaak.

Op hierdie “laerskool-vlug” raak ons met wysheid ontslae van die dinge wat ons passasiers se bagasie oorlaai. Ons maak seker dat al die “lewenskoffers” volgemaak word met Christelike waardes, ‘n puik akademiese grondslag en gebalanseerde blootstelling aan sport en kultuuraktiwiteite.

 

Ons geloof en vertroue op God is die grondslag waarmee ons enige reis aanpak.

Kom aanboord en vlieg VREESLOOS VORENTOE saam met Laerskool Brits.

Die TYD is NOU!

Toelatingsvereistes2022 Aansoekvorm

Vakante pos beskikbaar!

Laerskool Brits het tans ‘n betrekking beskikbaar vir ‘n gekwalifiseerde, Afrikaanssprekende onderwyser. Vak: Wiskunde – Intersen Fase.Laai gerus die infoblad en Aansoek-dekblad af, en stuur alle aansoeke asb na: britsadmin@lsbrits.co.za

Vakante Pos InfobladAansoek-dekblad

Ons skool

By Laerskool Brits kry leerders die geleentheid om op akademiese, sport , kulturele sowel as tegnologiese gebiede te ontwikkel en blootstelling te kry.

Maar bowenal, poog ons om als wat ons doen, te doen op grond van Christelike waardes en beginsels.

Adres: Wicht Straat 2, Brits, 0250

Telefoon: (012) 252 3317

Epos: britsadmin@lsbrits.co.za

Skoolure: M-V: 07:30 – 13:30

#Goed beter britsie

Ons beskik oor ‘n puik gekwalifiseerde dinamiese bemanning aan boord om ons passasiers in elke situasie by te staan. Op hierdie vlug kan daar net besigheidsklas gevlieg kan word, want hier is elke passasier vir ons ewe belangrik.

Ons bemanning is deeglik bewus dat ons in geen opsig ons bestemming suksesvol sal bereik sonder die afhanklikheid van ons RIGTINGWYSER nie.

Daarom kan ons met trots sê: Goed Beter Britsie!

 

Missie en Visie

Laerskool Brits Missie en Visie

Visie:

Ons strewe daarna om kinders volgens Bybelse beginsels op te voed om vir hulle ‘n hoopvolle toekoms te bied met integriteit, aanspreeklikheid en karakter!

Missie:

Deur dissipline, eerlikheid, gehoorsaamheid, getrouheid en harde werk te handhaaf, sal ons ‘n baken van hoop en vooruitgang wees wat voorloop en die pad aanwys.

Uit die Pen

Van ons Hoof

Welkom 2022 ….!!! “DIE TYD IS NOU”

Die TYD IS NOU is Laerskool Brits se slagspreuk vir 2022.  En dit word reeds weerspieël op die stoepe en in die gange van ons skool.

By Laerskool Brits word daar ‘n veilige ruimte geskep waarin leerders kan waag en holisties kan ontwikkel om ten einde hul volle potensiaal te bereik. Die skool en personeel streef ‘n Christelike etos na en ons gee aan ons Skepper ‘n regmatige plek waarin HY in al ons doen en late verheerlik word.

By Laerskool Brits kry leerders die geleentheid om op akademiese, sport, kulturele sowel as tegnologiese gebiede te ontwikkel en blootstelling te kry.

DIE TYD IS NOU om die pad saam met ons te stap en deel te word van die Britsie-familie, want hier is ons bloed GROEN

#goedbeterbritsie

– Walter Kruger

Hoekom ons skool?

DIE 5 PILARE

Laerskool Brits se sukses is gevestig op sy fondasie van 5 pilare.

Christelike Beginsels

Laerskool Brits is baie trots op die feit dat ons met die Kroon van God se skepping werk elke dag. Dit is ‘n taak wat ons glad nie ligtelik opneem nie. Ons poog om elke leerder deeglik op te voed op grond van Sy Woord, en deur ons fondasie op Hom te bou, maak ons seker dat Britsies ware Ligdraers in ‘n donker wêreld kan wees.

Akademie

Akademie is van uiterse belang vir enige kind, en dit is immers die hoofrede waarom skole daar is. Ons glo dat Akademie ‘n nie-onderhandelbare deel van u kind se opvoeding is, en daarom poog ons om u kind so goed moontlik voor te berei vir Hoërskool en hul lewenspad vorentoe. Ons bekwame, gekwalifiseerde span leerkragte is elke dag op ons pos om aan u kind ‘n puik akademiese ervaring te bied.

Sport

‘n Gesonde liggaam huisves ‘n gesonde gees en brein. Daarom is sport baie belangrik vir die ontwikkeling van al ons Britsies. Ons skool beskik oor puik afrigters wat ons kinders afrig, leer en voorberei om hulself ten volle op die sportveld te kan geniet. Ons bied ‘n massiewe reeks sportsoorte by die skool aan, soos: Rugby, Netbal, Krieket, Hokkie, Gholf, Sagtebal, Perdry en Swem, om maar net ‘n paar te noem.

Kultuur

Kultuur is ons kos vir die siel, en dis iets wat alle Britsies na aan die hart sit. ‘n Skoolloopbaan is maar net nie volledig sonder ‘n goeie dosis kultuur nie. By Brits is kultuuraktiwiteite behoorlik aan die brand! Ons aktiwiteite sluit in Kuns, Koor, Revue, Redenaars, Spreekkoor en Musiek om maar net ‘n paar te noem.

Tegnologie in die klaskamer

‘n Ander belangrike faset van ons skool, is dat ons glo om met kinders van vandag te werk, moet ons ook voorbly op tegnologiese gebied. Ons is trots op die feit dat ons skool bybly met vandag se tegnologiese vordering. In elke klas het ons interaktiewe slimborde (SMART borde) om onderwysers se taak in die klas te vergemaklik, en die leerproses vir leerders lekkerder te maak en te verbeter. Ons beskik ook oor ‘n toegeruste rekenaarsentrum waar leerders se taalvermoë verbeter kan word deur gevorderde lees-sagteware en programmatuur.

Leerlinge

Jaar bestaan

Personeel

Potensiaal

Maak kontak

Adres: 2 Wicht Straat, Brits, 0250

Telefoon: (012) 252 3317

Epos: britsadmin@lsbrits.co.za

Skool ure: M-V: 07:30 – 13:30